Shillong: U Syiem ka Hima Sohra u Paiem Freeman Sing Syiem ula kam ba ka jingai NoC ia ki bar jylla ban ioh trading license ha thain Majai, dei namar ba kum shah ialam bad shah pynsngewthuh bakla kaba la u hap ban siew da ka dor haduh ban shah sospon syndon ha ka KHADC.
Haba kren myn hynnin ka sngi hadien ba la shah pynkiew khet biang na ka jingshah pynhiar khet, u paiem Freeman ula kubur ba ula ai NoC kumba 8 tylli sha ki bar jylla ha thain Majai ba kin ioh trading license hynrei hadien u la lap ba u la leh bakla hadien la wad bniah na ka jingshah ujor.
“Nga la shah ialam bakla ban ai NoC’, u la ong.
U la kam ba u la shem ba ula shah ialam bakla ha ki briew ka thain Majai, kiba ai jingtip ba ki dei ki nongshong shnong ba la rim hynrei kim dei satia.
“Nga la ai NoC ia ki 8 tylli ki bar jylla hynrei la weng noh hadien ba la bthah na ka KHADC bad u sordar ka Majai ruh ula hun”, la ong u paiem Syiem.
U la bynrap, “Ka KHADC kala bthah ban weng noh bad nga la kohnguh da kaba weng ia ka NoC”.
Ha kajuh ka por, ula ong ba ka jingai patta ruh ia ki bar jylla, dei namar ba ialam bakla ki myntri namar ba kum u Syiem u la buh ia ki myntri ban peit ia ka jaka ka puta bad ka khyndew ka shyiap.
“Dei ki myntri kiba leit thew ki jaka ki puta bad katkum ka kaiphod ba kila ai, nga sa pynskhem ne ai patta”, la kam u paiem.
Ha kajuh ka por ula iathuh ba ka jingpynkiew khet biang ka KHADC dei hadien ba ula ai ia ka jubab kumba kila pan.
U bah Freeman ula long Syiem ka Hima Sohra naduh u snem 1983.
U Myntri aiu UBA Ialam baklA?Ioh dei pynban u Freeman UBA Ialam baklA ia ki Myntri ne katkum ki dulir.Kum uwei na ki Myntri ngan wad shtom ia ki Xerox copy Lada u Freeman Kum u khlylung tuh Jing bam,u pynkit ia kiwei katba u nang thep pla ia lade.Nga. Pynshai Laka bynta la Jong,ia ka Jong kiwei te Ngam tip.