Yn ia treilang ka Congress bad ka sorkar Jylla, ban ioh ia ka CAU ha Meghalaya

Shillong: U MLA ka Mawlai constituency u bah Process T Sawkmie mynta ka sngi ka 26 tarik u Jylliew 2019, u la pynshai halor ka jing mih khubor ia ka jing bym ioh shuh ia ka Central Agriculture University ha Kyrdemkulai Meghalaya.
Na ka liang u Bah Process u la pyntikna ba kane ka khubor kam long ka ba tikna bad ula ong ba ka Congress Party kan ia trei lang ryngkat bad ka Sorkar Meghalaya ba kin lah ban wan rah ia ka University ha Meghalaya.
U bah Process u la ong “Lada ka University kam wan ha Meghalaya kane kan long kum ka jing pynsep ei ia ka pisa jong ka Sorkar Jylla ba ka la dep thied ia ka jaka ba 916101.92 square meter ha ka dor ba 4 klur 39 lak tam”.
Na ka liang ka Congress ka la pynpaw ba kin ym shah da leilei ruh ba kin pynlong tang kum ka college, hynrei kin dawa ba kin ioh ia ka University.