Yn iakhun ka samla Sonavia, ha ka iaid model ha Kolkata

Shillong: Ka Samla Sonavia L. Nonglait, ka khun jong ka Kong S. Lyngdoh Nonglait, kaba shong ba sah hapoh Sumer Saw Numbor Ri Bhoi iba dang shu pass matric na ka skul MECL Secondary School Sumer bad mynta ka pule class XI (Eleven) hapoh Saint. Francs D. Assisi Higher Secondary Umbir kaba dei ruh ka nongshad ba tbit, kaba ju don ryngkat bad ka All Meghalaya dancer Association ryngkat bad ka Wansai Fusion. Kane ka samla ym tang ba ka don tang ia ka sap shad hynrei ka don ruh ia ka sap ban iaid model bad ka la shah jied ban leit iakhun ia ka Grand Finale jong ka Miss National Pageant India 2019 ka ban long ha nongbah Kolkata ha ka 20 tarik Naitung. Ka Zonobia L. Nonglait, ka dei kaba wan na ka longing kaba duk bad jynjar, hynrei ka sap kaba ka don ka dang lam lynti ia ka wat hapdeng ka jingeh bad jynjar.
Na ka liang ka All Meghalaya Dancer’s Association ka kyrpad ia ki nongmihkhmat ha ki paidbah nongshong shnong ka thain Ri Bhoi ba kin noh synniang bad buh jingduwai lem ia kane ka samla ban poi sha ka thong ka jingjop kum ka Miss National Pageant India 2019.