Shah kem u nong America, ba leit ujor, naba u shah jrong kti

Ki dkhot ka Blind Lead Trust kiba long ki samla ki ba don jingduna ha ki dkhot met ki la leit ujor ejahar pyrshah ia ka ki trai ing jong ka Ranne’s Abode Temple Lower Lashumier ka kong Venetta kharsyntiew, ka kong Rani kharsyntiew bad u bah Oris Jala halor ka jing pynkulmar ka ba la mih ha ka 20 tarik u Jylliew 2019 ha kaba ki la jrong kti ia u nong iarap ia ka Blind Lead Trust u Theodore Moallem u nong shong shnong ka Ri America.

U Director ka BLT u samla Jitendra Dkhar rynkat ka jingdon lang i kong Agnes kharshiing (social activies) bad i kong Hasina Kharbih (NGO IMPULSE) ha ka 22 tarik u jylliew 2019 ki la wan ban pynshai halor ka jingkynnoh ka kong Venetta Kharsyntiew bad ujor ejahar pyrshah ia u Theodore Moallem ba u ka jrongkti ia ka kong Venetta Kharsyntiew.

U Director ka BLT u samla Jitendra Dkhar, u ba don jingduna ha ka bor iohi ki khmat u la ong “Kine baroh ki dei ba ka trai ing ka kong Venetta kharsyntiew ki la beh ing bad ki la pynduh um ruh naduh u bnai Jymmang haduh u bnai Jylliew bad ha ka 20 tarik u Jylliew 2019 ka kong Venetta Kharsyntiew ka kong Rani kharsyntiew bad u bah Oris Jala ki la shoh ia u Theodore.

Ka kong Hasina Kharbih kaba long ka chaiperson ka IMPULSE ka ba la sakhi ruh ia kane ka jing jia ka la ong”Haba ngi ioh sngew ia ka jing hylla ngi la wan mareh shapoh ban peit ia ka jing jia ngi la lap ba u Theodore u la thiah ha madan bad u la mynsaw bad baroh ki la kyrpad ia i Rani kharsyntiew ba kin ym shoh ia ki. Kat kum ka jing ujor ejahar ka kong Rani pyrshah ia u Theodore ka la long khong pong kat kum ka jinglap jong ngi ba dei i kong Rani i ba hylla i ba jrong kti ia ki bad ka kong Rani ka la shim ia ka laptop ka la kawang sha u Theomore bad ka la shim ia ka ja ka la bret ha ka dur jong ki khynnah ki ba dang ia bam ja ha ka ta ka por .”

Ka kong Hasina ka la iathuh ba haba ki la leit buh ejahar ha Laitumkhrah P.S hynrei ki pulit ki la kem pynban ia u Theodore, hadien ba na ka liang ka BLT ki la ai ejahar pyrshah ia ka kong Venetta Kharsyntiew, ka kong Rani Kharsyntiew bad u Oris Jala.