Ban iada mane ksuid khot ia syllok ka FKJGP

Shillong,12jymmang:
Ka FKJGP Nongthymmai Circle ka la pynpaw ka jingsngewkhia halor ka jingsaphriang ka khubor mane ksuid ha kine ki sngi kaba la pur ruh sha kane ka nongbah Shillong.Ka FKJGP ka la kynnoh ba bunsien kiba kum kitei ki jingngeit biej ki ju mih na ki internet bad ki TV. Halor katei ka phang ka FKJGP k ala khot ia ki kmie ki kpa bad ki nonghikai skul ba kin peit ngor bha ia ki khynnah, ki la kyntu ruh ia ki kmie ki kpa ba lada ki ki don kano kano ka jingeh ki lah ban wan ban ia syllok bad ka seng lyngba ka Counselling Cell jong ka.