Leit jurip ki dkhot ka HYC, ia ka surok Lad Mawphlang sha Wah Myntdu

Shillong: Ki Dkhot ka HYC War Jaiñtia Circle, ha ka 21tarik mynta u bnai hapoh ka jingialam u Asst.Vice President u Rangbah Jem Bis Khongiong bad u Sport Secretary u Samla Bonanza Shylla, ki la leit ban jurip ia u surok National highway Amlarem-Jowai bad la lap ba naduh Lad mawphlang ter ter shaduh wah myntdu u surok um longshuh u ba bit ban iaid ban ieng ki kali, namar ka jingsniew kaba la palat shisha bad ka jingrit ka ba pynjynjar ia ki kali ban ai pass iwei ia iwei bad ka wanrah ruh ia ka jingma bad jingmynsaw ba har-rukom. Kumjuh ruh ha kaba ki paitbah ka War Jaiñtia ka donkam bha ia u ne u surok naba u ne surok u dei u budlum ka iaid ka ieng bad ka khaii pateng jong ka Thaiñ hi baroh kawei. Na ka liang ka seng la kyntu jur ia u Nongmihkhmat kane la thaiñ bad ia ki bor ba dei peit ban leh eiei halor u ne u surok,ong ka kyrwoh na u Publicity ka seng HYC War Jaiñtia Circle u samla Riki Mukhim.