Shillong: Ka Pomlahier sc ka la jam sha ka quarter final hadien ba ka la lah ban pynliem ia ka Sohryngkham sc da 3-1. Ha kane ka sngi ka Pomlahier sc ka la ioh ban thep ia ka goal ba nyngkong ha ka minit kaba 42 lyngba u Lam Nongsiej bad ka goal ka ba ar ka la wan lyngba u Thrian Khongiong ha ka minit kaba 51.
Ka Sohryngkham ruh ka la iakhun tyngeh bad ka la ioh ban thep ia ka goal kaba nyngkong jong ka lyngba u Winster Kharpran ha ka minit kaba 63, ka sohryngkham ka la iakhun tyngeh ban pyniakhaid hynrei ha kaba kut ka Pomlahier ka la ioh ban thep biang ia goal kaba lai bad kaba khatduh lyngba u Pynbhalang Marngar ban pyntikna ba kan ioh rung sha ka quarter final ha ka minit kaba 90+4.
Haba phai pat sha ka Mawryngkneng Super Cup ka Pdengshnong ka la jop ia ka sawkyntoit da 3-0 lyngba ki goal jong u Iohbor Lawai 8 minit, Ribanjop Kharsati 31 minit, bad ka goal kaba khatduh lyngba u Yowanki Mukhim 49 minit.
Ha ba phai pat sha ka jingialehkai hapdeng ka Eastern Pirate pyrshah ia ka Spainlang sc kaba na Smit ka ba la long ha ka 15/06/2019 ka jingialehkai ka long kaba itynnad bha ha kaba ka Eastern Pirate ka la ioh ban thep ia ka goal kaba nyngkong lyngba ka freekick jong u Micky Tynsong ha ka 25 mimit jong ka kylla step. Ka Spainlang sc ka la iakhun tyngeh ba ka la lah ban pyniakhaid lyngba u b kharbangar ha ka minit kaba 63 jong ka kylla miet.
Hadien jong ka jingiakhaid u referee u la ai da ka tie-breaker ban rai ia ka jingjop. Ha kane ka tie-breaker ka Eastern Piarate ka la jop da 4-3 ia ka Spainlang sc. Haba phai pat sha ka Mawryngkneng Super Cup ka Nongdawah ka la jop ia ka Sohlyngi da 4-0 lyngba ki goal jong u Nelson Mynsong 15 & 25 minit bad u Wanshai Kkhar 50 & 67 minit.
Phi don ban ong eiei?