Kyrngah phong uniphom ki nongkit daju ha Iewduh, ba rem dor ki sopti

Shillong: Ki nongkit daju ha iewduh ki iathuh haka jingiakren bad u Rupang ba ka daw ba kim shym la phong ia ki uniphom ba la bthah da ka Hima Mylliem ka long namar ba ka jinglong jong ki jain bad ka dor ba ki shim kam iadei dur.Ki jain ki stang bad u shu long tang ha ka dur u patoi lyngkot katba ka ophis u Syiem ka ohdor haduh 500 tyngka,da kaba kynnoh ba lada ki treh ban phong daki tei ki jain hapoh shisnem katno tylli kin hap thied, namar kajingkit daju ka dei kaba eh bad ki jain ba ki ioh kan jot kloi tang da ki taiew.
Shuh shuh, laiathuh ba ki la don ki dkhot kiba la siew iaka pisa sha ka ophis ka Hima,bad hadien ba kim shym treh ia ki sopti kim shym la ioh shuh iaka pisa jongki.
Kum ban shu kdew,u Syiem ka Hima Mylliem ryngkat bad ka District Counsil ki la bthah ba dei ban da phong noh da ka uniphom ia baroh ki nongkit daju hapoh ka Iewduh,hynrei kane kam shym la urlong,ymtip la ka dei tang na ka daw jongki nongkit daju ne don sad a kiwei pat ki daw ruh.
Lah ban pynkynmaw, ba ka KHADC, ka la ia kren bad ka Hima Mylliem, ban pynphong uniform noh ia ki daju ha Iewduh, naduh ka 18tarik Rymphang 2015.
Ha katei ka sien, ha ka 17tarik Rymphang 2015, U bah Adelbert Nongrum, ula long U CEM ka Khasi District Council bad halor ka jing ujor ki daju ban phong uniform, namar ba ka remdor eh bad U bah Nongrum, ha katei ka por, ula ong ba lada don kiba pynlut T. 50 shi sngi ban rung pata kyiad, ha ka shi bnai kan long T. 15 spah bad kan don jingeh aiu ba kin pynlut T. 5 spah na ka bynta ka bai sopti kaba la thmu ban pynbha ia ka jingbit jingbiang jongki”. U CEM u la ong ba ka jingshim ka Council ban pyntreikam da ka uniphom ka long na ka bynta ban tehlakam ia ka jingioh rung pathar ki dkhar ban wan kit daju ha Iewduh. “Ngim tip, u dkhar uba dang shu wan shi sngi, u la lah ban kit daju ha Iewduh namar ba kam don kano kano ka rukom pyniaid”, la ong u CEM bad u la kyntu ia ki daju ba kin iatreilang khnang ba ka jingthmu kan long kaba jop. Hynrei ha kane ka por, ki daju ki la pyrta ba ka la eh palat ia ki ban pynlut T. 5 spah. Wat la ki daju ki la leit na ka jingialang da ka jingbym hun, hynrei na ka liang ka jingialang la pynbna da u Myntri K Langstieh ba ka jingphong sopti uniphom kan treikam naduh lashai bad ki bym treh, kin nym ioh kit shuh ha Iewduh.