Ka mukotduma kam pat kut, ong u Pastor Pyrtuh

Shillong: U Pastor Kyrsoibor Pyrtuh u la ong ba ka jingiakhun na ka bynta ka hok ha ka kashari kam pat kut satia.
Ha ka 19 tarik mynta u bnai, ka iingbishar jong u Assistant Deputy Commissioner ka East Khasi Hills – ka District Session Court ka la pynwai ia ka mukotduma kaba la mudui da u Pastor Kyrsoibor Pyrtuh pyrshah ia ka Khasi Jaintia Presbyterian Synod Sepngi halor ka jingsospon ka Synod ia u.
“Kane ka mukotduma kam pat kut satia, ngam pat kwah ban kren jrong”, la ong u Pastor haba iakren mynta ka sngi.
Ha ka hukum kaba la pynmih ha ka 19 tarik mynta u bnai, ka ïingbishar ka la kyntait ia ka jingujor u Pastor Pyrtuh ban pynsangeh ia ka hukum sospon jong ka Synod.
Ia ka Synod la iasaid da ka Dr.Fenela Lyngdoh Nonglait kaba dei ka Standing Counsel jong ka KJPSS katba na u pastor Pyrtuh la iasaid da u nongiasaid aiñ u Kishore Ch Gautam.