Kynran ki pulit Jowai sha Sahsniang, ba wan tur ki pulit Assam ha Psiar

Shillong: Ki pulit jong ka Jaintia Hills, kiba don ha Psiar, ki la kynran noh ialade sha Sahsniang myn hynnin ka sngi, ong ka khubor bad ka daw, ka long hadien ba ki pulit Assam, ki la leit poi haduh hynniew trok ha ka shnong Psiar, kaba dei ka shnong, kaba ki la thaw ktem ha ki khyndiat sngi ba ladep, hynrei, kaba ki la dep pynpra noh, lyngba ka jing ujor ki pulit jong ka Jaintia Hills.
Ka KSU Laskein Circle, ka pynrem jur ia katei ka jingleh jong ki pulit Assam, ha kaba kim khein snep shuh ia ka jingiakren jong U Conrad Sangma, myntri rangbah ka Jylla bad U Sarbananda Sonowal, myntri rangbah ka Assam, ong shuh katei ka kyrwoh jong ka KSU. Katei ka seng, ka ong shuh shuh ba ka jingleit jongki, ka la pyntieng koh tympan ia ki khynnah skul lem bad ki riew paidbah.
Ka jingkynran dien jong ki Pulit jong ka Jowai sha Sahsniang ka long hadien jong ka jingiamynjur ba la long mynta ka sngi hapdeng ki Chief Secretary jong ka Assam bad ka Meghalaya.