Pyndam ka KSU ia ka kyrteng jong ka college of agriculture bad buh da ka Central Agriculture University

Shillong:Ka Khasi Student Union Central body hapoh ka jingialam jong u General secretary u bah Donald Thabah mynta ka sngi ka la hiar sha Kyrdem kulai Ribhoi District , Meghalaya ban pyndam ia ka kyrteng jong ka College of Agriculture bad buh ruh ia ka kyrteng da ka Central Agriculture University .

Ia kane ka jing pyndam kyrteng ka long hadien ba ka sorkar Kmie ha u snem 2010 ka la thmu ban plie ia ka Central Agriculture University ha u snem, hynrei ha u 2015 ki la ioh jingtip ba ki la shna ia ka iing, ym ban pynlong ia ka University hynrei kin pynlong tang ia college bad kane ka college ka ia snoh bad ka Agriculture University na Imphal kaba baroh ki jing pyniaid kin long beit na Imphal “Ka sorkar ka la pan 200 acre tam ban shna ia ka unversity hynrei ki shna da ka College ka college kan leh aiu kat katta ka jaka”la kylli u Donald Thabah general secretary ka KSU

U bah Thabah u la ong “Lada ka wan kane ka College kaba shaniah na ka Imphal ngi ki briew shane ngin ym ioh jingmyntoi eiei shuh.”

U Donald Thabah u la iathuh “Lada kane ka university kan wan shibun ki jingmyntoi ngin ioh ha ka jingioh kam ioh jam ki khynnah ki ba ioh pule hangne kin ioh shi bun ki jing myntoi khamtam ha ki rukom rep ka stad science mynta bad khamtam ia u nongrep hi u ban ioh shibun ki skim lyngba kane ka University” .

U bah Donald Thabah u la dawa ba kato ka jaka ka dei jong ka university ai kan neh beit jong ka university.