Shillong: Ka GVK EMRI ka la hukum ban pynkynriah kam noh iaki nongialam ka Meghalaya EMRI Workers Union ia u president bah Roypar Kharraswai bad ka Secretary ka kong Susan Lyngdoh sha lum Garo hakaba kane ka jingleh ka la pynbitar iaka Union bad ki la byrngem ba kin pynlong kajingiakhih ba kham jur lada ka sorkar bad ka kompeni ki iaid beit iakatei ka hukum.
Ia kane laiathuh haba iakren bad u bah Roypar Kharraswai bad la iathuh ba ka State Head jong ka GVK EMRI ka la pynmih ia ka hukum, ban pynkynriahkam noh naduh ka 21tarik mynta u bnai ia u President bad ka Secretary lem bad kiwei sha Garo ha kaba la pynlyngngoh iaka Union ba haduh mynta u juh u briew u la iohpdiang iaki order haduh 3 bad 4 tylli kaba la long ka jing pynsyrwa kai iaka pisa bad iaki kot sada,la iathuh u ne u rangbah.
Shuh shuh, la ong ba katkum ka Trade Union Act ymlah ban pynkynriah kam haba dang don ha ka kynrum kynram bad ha kajingdawa jong ka seng ka long ba ymdei ban pyn kynriah shabar ka District, namar ki briew na kajuh ka district ki lah ban sngewthuh ia ka jingdonkam ki trai jaka kum haka ktien, ka jinglong ka jaka khnang ban kloi ban poi sha kata ka jaka ba ki don namr ki dei ki trai shnong,hynrei sha shnong nongwei haduh ban iohkem ia ka jinglong ka jaka u nongpang u la mad pynban ia ka jingsngewsih.
Shuh shuh, u la kyrpad ba ki paitbah kin sngewthuh ba maki kim banse ban pynlong ka jingiakhih hakano kano kapor bad ba kin iaishah halor kata namar ki la shah lehbein sha ki kine ki heh nongpyniaid ka 108 bad haka sorkar namar ka GVK 108 kam ithuh iaka Union jongki.
Phi don ban ong eiei?