Shillong: Ka St Mary’s College mynta ka sngi ka 20 tarik 2019 ka la leit buh Mawnongrim ban shna ia ka College ha Syllei u Lar Umroi Ribhoi District.
Ha kane ka sngi la ia don ryngkat da u Myntri ka pule puthi u bah Lakmen Rymbui u MLA ka Umroi Constituency, u bah George B Lyngdoh u Archibishop ka Shillong Dioceses u Rev Dominic Jala, ka Principal ka st Marys College, Mary Harriet, ki sister ki Phader, ki nong synshar shnong bad ki nongshong shnong ka Syllei u lar Umroi.
U Myntri ka pule puthi u la kyntu ia ki khynnah ki ba pass bha ha ka Math ka Science ba kim dei ban beh tang ia ka Doctor ne Engineer hynrei ki dei ban phai ruh sha ka phang ka kam hikai .”Lada ki khynnah kiba pass bha ha ka math bad science kin wan sha ka kam hikai ki khynnah ki ba shah hikai ha ki kin long ki ba tbit ba ki nong hikai ruh ki ladei lupa ki ba tbit,”la ong u myntri ka pule puthi.
U bah Lakmen u la ong “Ka jinghiar jong ka jingpule ha ki nongkyndong ka dei na ka daw ba ki nonghikai kiba dei ban hikai kim ju leit ban hikai kine baroh ki dei ba kim ju don ban ujor” kine baroh ula pynpaw hadien ka jingduna ia kiba pass ha u ne u snem ha ka result MBOSE.
U MLA ka Umroi Constituency u bah George B Lyngdoh u la ong “Haba ngi peit ia ka result kaba ladep mih ha MBOSE ka la dei ka por ba ngin phai khmat ha ki skul kiba pyniaid da ki balang ba ki la kiew ha ki rukom hikai bad ka jingpass bha ki khynnah ka sakhi ia kata.”
Na ka liang u MLA ka Umroi Constituency u la ai T.10 lak ban iarap ban tei ia ka St Mary’s College ha Umroi.
Phi don ban ong eiei?