La pyni ha ka jingshondur da ki arngut shi baieid, ba ki la pyniap hi ialade, da kaba siat da ka pistol na khlieh jongki.
Kitei ki arngut shi jur, ki dei na ka shnong Lilasar kaba don shatei jong ka India, ha kaba U Bhanwarlal Mundhan, 23 ula siat iap ialade bad ka samla jongu ruh kumjuh, ka bym shym pat tip kyrteng satia.
Ki lad khubor ki iathuh ba kitei ki shijur ki la ia ieid lah slem bha, hynrei ym tip na kano ma ka daw, katei ka thei samla, ka la ia poi kha noh bad uwei pat u briew bad katei ka la jia la ar bnai mynta.
Katei ka samla, ka la leit poi sha shnong U Mundhan, la shiphew sngi mynta bad kitei ki ia leit sah ha kawei ka jaka rep bad ha katei ka sngi, ba kin pyniap ialade, ki la dih da ka beer, haduh ba kin da buaid jawsheh bad ki sa siat iap artad ialade.
U Mundhan, ula ring dur bad buh ha ka social media bad ki don ki dur bad ki audio ruh kiba u ring ha ka por mynstep, ha shwa ban pyniap ialade bad ia la ka jong kaba ieid.
La iohi ruh ba kitei ki arngut ki pynap pistol hi ialade bad ki da shondur artad. Shwa ban pyniap ialade, ula phone ruh ia u hynmen jongu, ha kaba ula iathuh ba ma u bad ka samla jongu, kin pyniap noh ialade.
La lap da kiba ha iing hadien jong katei ka jingjia, ha kaba ki la thiah lyngktar ha madan bad ba ka snam ka la phlei jur na katei ka jingsiat iap jongki ialade hi.
Phi don ban ong eiei?