Jowai: Kiba ha iing hasem jong ki ar ngut ki samla 14 bad 15 snem ki la ioh ban pyllait ia ki na jingshah shalan sha bar jylla lyngba ka Assam myn hynnin mynstep na Umpleng lane Cement kaba don ha ka thain Elaka Sutnga.
Kitei ki samla kiba dang ha ka rta 14 bad 15 snem, kawei kaba trei iing ha iing u mama bad kawei kaba pule Class na ka Shnong Byndihati ki la jah rngai na iing naduh ka sngi U Blei, hynrei da ka jingtrei shitom kiba haiing hasem ki la lap ba ki la shah set ha kawei ka iing kaba shongwai da kawei ka Khar Boro bad u Lok jong ka ki sah ha katei ka jaka.
Kitei ki arngut ki samla lud ki ba hapdeng ka rta 14 bad 15 snem ki la jah rngai na shnong Bendihati ha ka 16 tarik sngi u Blei. Ha ka step17 tarik lah sngi u blei ki kmie ki kpa jong ki tei ki khynnah ki la leit ujor sha ki pulit ba ki khun jongki ki la jah na ing .
Mynta ka sngi 19 tarik ha por mynstep 7baje u paduh jong ki u la iohi ba kitei ki arngut ki samla lud ki la riam dkhar da ka jingthmu ban ialam ia ki sha jylla Assam.
Hadien ba la ioh bat ia ki da u paduh jong ki u la pyntip wutwut sha ka bor shnong Lamyrsiang bad da ka jingiatrei lang ki paidbah na katei ka shnong la ioh ban bat ia kitei ki khynnah bad ruh ia ka tei ka nong shallan kynthei ka ba dei ka longkmie ka ba na Bodo land district jong ka jylla Assam.
Phi don ban ong eiei?