Kiew ka jingiap sha ka 130ngut na ka Encephalitis ha Bihar

Patna: Ka jingpang Acute Encephalitis Syndrome ha Bihar, ka la pyniap ei ia 130ngut ki khynnah rit bad na kitei kiba iap, ki kynthup ia 93ngut ha ka Sri Krishna Medical College, kaba haMuzaffarpur bad sa 19ngut kiwei pat kiba iap ha Kejriwal Maternity Hospital kaba ha Patna.

Hynnin ka sngi, U Nitish Kumar, myntri rangbah ka Bihar, ula leit jngoh ia kitei ki hospital bad ula pynbna ba un siew T.4lak sha kawei pa kawei ka long iing, kaba la mad ia katei ka jingiap jong ki khun na katei ka jingpang.

Ha ka sngi U Blei ba ladep, U Harsh Vardhan, myntri ka koit ka khiah, ula leit jngoh ia kitei ki hospital bad ula iakren ruh bad ki bor pyniaid jong ka sorkar Jylla bad kumjuh ka sorkar pdeng, hynrei, ha ka jingleit jongu, ki la don kiba kren pyrshah bad pynher lama iong, halor katei ka jing nang jur katei ka jingpang ha Bihar.