Ujor ba shah shoh ki dkhot ka KJBWA

Shillong: U bah Generous Warlarpih u President ka seng KJBWA u la ujor ha Umiam PS ba ha ka 16tarik mynta u bnai kumba 10 baje mynmiet ki dkhot jong ka seng ki la ioh jingtip ba ka trok no ML-10C-4492 kaba kit masi ka iaid lyngba ka surok bah ha Ribhoi ban dietuh sha Bangladesh bad ki dkhot ka seng ki la hiar bad lalap ia ka kali ha Lasharai,haba la pynsangeh noh bad katba ki dang kylli jingkylli ia u nongniah,kawei ka maruti Alto Standard ka la wan ieng pyrshah ha ka jaka ba ki don bad ka phet noh,sa shiphang pat ka wan sa ka Hyundai I 10 bad u wei u briew bym ithuh u la hylla ba ki masi ki dei jong u.Hadien shiteng kynta lawan sa ka Hyundai Verna ba la niah da u Nona Rapsang uba la wan ban tur sha ki dkhot ka KJBWA bad shi kynhun na ka kali Verna rongiong ki la pyrta ban shoh beit shoh beit ba uwei na ki la ithuh kum u Tony Rapsang u la kam ba ki masi ki dei ki jong u.Ha kane ka jing jia 10ngut ki dkhot ka KJBWA ki la mynsaw,bad ia lai ngut kiba mynsaw u Pynshisha Buhphang na Mawlai Mawdatbaki u Khrawkupar Lyngdoh na Mawlai Nongpdeng u Kupar Kharnaior na Mawlai Kynton masar la pynkit noh sha Dr. Gordon Roberts Hospital ban ioh jingsumar katba iaka kali maruti ML-05D-8156ba dei jong u Kidlang Marbaniang, la pynjot da kitei ki runar.