Ka sorkar India, ka la rai ban weng noh ia ka kyndon, ha kaba ki nongniah kali, ki dei ban don ka kyrdan pule. Na ka liang jong ka tnat ka kit ka bah jong ka sorkar India, ka la rai ban weng noh ia katei ka kyndon, ha kaba u nongniah kali, u die ban pyndep ia ka Class 8.
Katei ka rai, ka long namar ba ki don bun bah ki samla kiba khlem kam, khamtam ha ki nongkyndong, ki bym don ka kyrdan pule kaba iahap, hynrei kiba don sap ban niah kali bad la iathuh ba ha ka jing ia kynduh jong ka tnat ka kit ka bah ba dangshen, ka sorkar Haryana, ka la dawa ban weng noh ia katei ka kyndon halor ka jingdon ka kyrdan pule, ha kaba la ong ba ki don bun bah ki nongniah kali kiba bit, hynrei ki bym don jingnang jingstad satia ha ka thain Mewat jong ka Jylla Haryana bad la ong shuh shuh ba ka jingniah kali, ka dei namarkata ka sap, kaba kham donkam ban ia ka jingnang jong u briew ban thoh bad ban pule. La ong ruh ba mynta ka don ka jing duna jong ki nongniah kali, haduh 22lak ngut bad katei ka ktah shibun ia ka jingiaid beit jong katei ka tnat treikam. Ka tnat niah kali, ka la rai ban pynlong pat ka jingpeit bniah ia ka jingtbit niah kali jong ki nongniah kali, ba kan nym buh jingma ia ka kam ba ki trei bad ia ka leit ka wan jong ki nongshong kali.
Nga ruh nga monjur ia jane. Ki politician ha India bun ki bym nang thoh nangtar suda. Haba ki thoh kyrteng,ki shu dro.pynban ki long ki nongthaw ain
Nga mynjur ia kane ba ki driver kim da donkam ia ka kyrdan pule kaba shalor hynrei kidei pat ban nang ban pule ia ki jingthoh kum ka kot khubor ha ka ktien lajong.Te la kumno kumno ruh ki dei ban tip ia u A,B,K,D bad ban pass ia ki skul shnong kiba tang haduh klas 3 ne klas 4 tang ban nang ban sign ia ka kyrteng la jong.khublei.
Hoid nga ruh nga Don ban Ong halor Kane,nga ruh nga sngew dei ba omdon Kam Jing pule ia Ki draivar,namar ka pyrthei kyrduh Kam ,, ban pynheh ia ka Jing pule ruh kalad ia ngi Kam ple,, nga sngew dei ban weng noh ia ka kyndon ba lah buh ka sorkar ia ka kyrdan pass class 8 KHUBLEI,??