Pynrem ki 2 seng ia ka jingtohkit karkhana Dewbilat

Shillong,8 Jymmang:
Ki ar seng ba kyn thup ia ka Meghlaya Peoples’ United Front Central Governing Body (MPUF-CGB) ryngkat bad ka Ri Jaintia Youth Federation (RJYF) ka pynrem jur ia ka jingphah tohkit u Myntri ka tnat mariang ia ka Meghalaya State Pollution Control Board halor ka jingpynjulor mariang ki kharkhana pynmih dew bilat. Ki ar seng ki la pynrem halor katei ka jingphah tohkit namarba hadien ba la tohkit ka sorkar kam shym la pyn shitom eiei ia kitei ki karkhana pynmih dew bilat. Ki la pynkynmaw ba ha ha u snem 2010 iaiong, ka sorkar ka la thung ia ka High Level Committee ba la khlieh da u J. P. Prakash bad kane ka committee ka la dep ban phah ruh ia ka report ha ka 25 tarik u naiwieng 2011 da kaba ong ba kine ki kharkhana ki la pynjot shisha ia ki jaka bad ki khlaw ki btap.
Shuh shuh ha u bnai rymphang u 2014, ka sorkar jylla ka la pynkhreh sa ia kawei pat ka komiti thymmai ban jurip ka ba la khlieh da u Additional Principal Chief Conservator of Forest na ka sorkar kmie ka Environment ryngkat bad ka Forest Regional Office B.N. Jha ban pyntikna ba kitei ki karkhanan pynmih dewbilat ki la pynjot shisha ne em ia ka environment hynrei katei ka committee ka dang pynkhreh ban phah ia ka kaiphod jong ka. Kia r seng ki la artatien ba ioh lehse katei ka jingphah jurip ka long tang ban pyndep rukom, ong ka kyrwoh na ki ar seng.