20 tarik ilekshon Sordar Umniuh

Shillong,8 Jymmang:
Ka KHADC kan pynlong ia ka ilekshon jied sordar jong ka Elaka Umniuh-Tmar ha ka 20 tarik u jymmang, 2014 naduh ka por 8 baje mynstep hadudh 4 baje janmiet bad ia ka vote yn niew ha ka juh hi ka sngi. Ki la don ar ngut ki kyrtong ki ban ia iakhun ha katei ak elekshon jied sordar bad kiba la dep thep kyrteng , u bah Premier Sing Khongbeh uba ieng ha ka shap jong ka Ingtrep bad u bah Kolon Ryngnga uba ieng ha ka shap jong ka Waitbnoh.
Ki bor pyniaid elekshon ka KHADC ki la iathuh ba ka jingthep vote kan long da ka secret ballot , bad ka jaka thep vote kan long ha Umniuh-Tmar Upper primary School. Ia ki niew yn niew mar ia kut ka por thep vote. Ka KHADC ka la bthah ba ki Polling Agentr jong ki kyrtong ki dei ban poi ha ka jaka thep vote shiteng kynta shuwa ban sdang thep vote, yn shah tang u wei u Polling agent u kyrtong, bad ki kyrtong ki dei ban donlang ha ka port hep vote.
La maham bay m shah ban kanbas naduh ka por 7 baje mynstep jong ka 19 tarik bad baroh shisngi ka 20 tarik. La maham ruh ba ym bit ban thaw jingkulmar ne hylla ha kano kano ka rukom naduh 19 tarik bad khamtam eh ha ka sngi thep vote baroh shisngi kaba lah ban pynmih jingpynthut ia ka ilekshon jied sordar. La khang ban rung ha phyllaw jong ka jaka thep vote lait noh tang kito kiba wan thep vote, ym shah ban die lane dih kyiad naduh ka 19 tarik haduh ban da kut ka ilekshon.