Pyneh ka KSU, ban pynlong tang ka College ha Kyrdemkulai

Shillong: Ka Khasi Student Unions Central Body mynta ka sngi ka 13 tarik u jylliew 2019 kala leit ban kynduh ia u myntri ka tnad rep ka riang u Bah Banteidor Lyngdoh halor ki kynrum kynram kiba mih halor ka Central Agriculture University ha Kyrdemkulai.
Na ka liang u Bah Donald Thabah General secretary ka KSU u la ong “Ka KSU kan ym pdiang da leilei ruh ia ka Central Agriculture, ba kan long tang ka college kum ba la thmu da ka Ministry of Agriculture.”
U bah Donald u la bynrap ruh ba kumba ki pan ia ka jaka kaba 200 akar tam ba kin shna ia ka University, ym tang ia ka College, namar ba lada kin shna tang ia ka College kan hap ban shu shaniah beit ha ka University na Tura, kumta na ka liang ka seng ka dawa ba kan pynlong noh ia ka University kaba pura.
Na ka liang u Myntri ka tnad rep ka riang u bah Banteidor Lyngdoh u la kular ba tang hapdeng ki khynniat taiew hi kin leit ban kynduh ia u myntri rangbah duh, khnang ba kin leit dawa ba kin pynlong University ym ban pylong tang kum ka College.