Ngin nym mih na ka Harijan Colony, ong u heh ka Shiromani Gurdwara ba na Amritsar

Shillong: “Ngin ym mih na ka Harijan Colony barabazar bad ka Sorkar ka dei ban ai noh ia kane ka jaka ba kin long trai ki Harijan” la ong u Paramjit Singh U Addition Secretary Ka Shiromani Gurdwara Parbandhek Commitee na Amritsar haba ia kren bad ki nong pathai khubor mynta ka sngi ha ka ba ki la kynduh ban buh ia ka Memorandom ha u Myntri ka kam pohing u James Sangma.

Ki kynhun ka Shiromani Gurdwara Parbandhek Commitee na Amritsar hapoh ka jingialam jong u Paramjit Singh u Addition Secretary lem bad ki member kane ka Commitee u Sardar Harpal Singh,u Sardar Bhagawant Singh, bad u Simarjit Singh ban kyrpad ia ka Sorkar Jylla ban bishar bniah ia ka rai ba ki thmu ban pynkynriah ia ki Harijan sha kawei ka jaka.

“Ka Sorkar Meghalaya kam shym la bishar bniah ia kaba ki jait bynriew Harijan kiba la sah la 150snem bad shakri ha kine ki 20snem ia ka Jylla bad lada ki pynkynriah ka pyni shai ia ka jing leh shiliang jong ka Sorkar pyrshah ia ki Harijan”.