Jowai:Ki pulit jong ka West Jaintia Hills, mynta ka sngi, ki la hiar sha Iurim Biam, Psiar (Block 1), na ka bynta ban ia pyni bor bad ki pulit Assam, kiba thaw ktem ha katei ka shnong, kaba don kumba 4 Kilometre na Khat Kasla, ha ka lynti ban leit sha Umkhyrmi-Mokoilum, kaba don mar khappud bad ka West Karbi Anglong, Assam.
Na ka liang jong ki pulit Assam, ki la leit sha katei ka jaka, ha ka jing ialam U ADC, Wet Karbi Anglong, Assam ban tei ia katei ka ktem jongki, ha ka jingsynran jong 60ngut ki pulit Assam lem bad ki pulit CRP bad ki la pom ia ki dieng ki siej, ki khlaw ki btap, kiba don na katei ka jaka, kaba haduh 10 kilometre na u pud jong ka Assam sha Meghalaya bad kaba jngai bah na ka kut jongki pulit ha Mokoilum.
Mar ia tip ia katei ka jingjia, U bah Ferdinand Basan, BDO ka Laskein, ha ryngkat bad U Bah Donkupar Moksha, Deputy Superintendent of Police, West Jaintia, ki la leit sha katei ka jaka, ha ka 12tarik Jylliew, 2019, hynrei ki pulit Assam, kim shym la shah shkor satia.
Mynta ka sngi, ki pulit jong ka West Jaintia, ha ka jingsynran jong 50ngut ki pulit, ba kynthup ia ki pulit Battalion lem bad ki pulit SF 10, ba la ialam da U Bah Donkupar Moksha, ki la poi ha katei ka jaka bad ha ka jingiakren, ki pulit ka Assam, ki la leit phai noh na katei ka jaka.
Ia ki pulit jong ka Meghalaya, la synran da ki spah ngut ki nongshong shnong ka Psiar bad ka Khatkhasla, ha katei ka jingleit ha ka por 10baje eiei mynstep.
La iathuh ba ki pulit Assam, kiba na Mokoilum, ki ju shim kabu bha, ha kaba ki ju dawa pisa T.10hajar na kawei ka trok, kaba iaid lyngba katei ka kut jong ki pulit ha Mokoilum bad nangta sa T.200 na kawei ka pick up trok, kaba kwah rung sha Assam, na Meghalaya bad ia kito kiba leit thohdieng sha khlaw ruh, ki hap ban siew T.5,000 lada lap da U Issak Ali, uba dei u pulit, uba peit ia ka Mokoilum.
best ka khubor te pni shuh
Ka sorkar ka dei ban shim khia janai ia kane ka jingkaja pud Meghalaya Assam mynta hi ka kynti,hashwa ka jingiaumsnam bym poi pyrkhat ha block1-block2.namar kan sa poi ka por ba ki paitbah ki thain khappud kin hap ban iada ialade da ka lynti jingialeh kaba mynsaw.
Lada ka long ha Kane ka dur nga ai jingiaroh ia ki pulit meghalaya khamtam ia u dsp u ba lah shim khia ia kane ka kam
Donkam kum kine ki briew ba trei hok bad pyrkhat ia ka ri bad jaidbynriew ,nga kitbok ba kin nang lah ban iaid shaphrang .All the best’