Pynkup burom ka SBI ia 41 ngut ki khynnah pule

Shillong: Ka State Bank of India, Administrative Office, mynta ka sngi, ka la pynlong ia ka jing pynkup burom ia ki 41 ngut ki khynnah pule ki ba la wan sha khmat ha ki jingpule jong ki ha ki MBOSE,CBSE, bad ka ICSE board Exam, kaba la pynlong ha ka Poinisuk Hotel.

Ha kane ka sngi la wan shim bynta da ki 41 ngut ki khynnah ki ba la ioh ban kheit ia u soh u ba seisoh ryngkat bad ki kmie ki kpa bad kiba ha ing jong kine ki khynnah.

U Digmanu Gupta u General Maneger (NW-11),State Bank of India, Local Head Office, Guwahati, kum u kongsan bad u Subhas Das,Deputy General Maneger(B&O)ka State Bank of India, Administration office,Shillong ki la sam ia ki khusnam bad ryngkat ka jingkit bok kit rwiang na ka bynta ka lawei bad kum juh ruh ki la ai ia ka jing iaroh ia ki jaka pule ki ba kine ki khynnah ki la pule.