Shillong: Kum shi bynta ban rakhe iaka World Environment day u Dr.Firmly Lyngdoh bad Basan Raid Mawlieh ryngkat ka jingiatreilang bad ka ophis jong u Range Officer ka Soil Conservation ki la pynlong iaka Awareness program halor ka “Air Pollution,”da ka jingthung dieng haka 5tarik Jylliew 2019 ha ka shnong Pomlum Wahrew ha Pynursla.Ha kaba la ia shim bynta da ki tymmen kynthei bad shynrang ki khun samla jong ka shnong.
Ha kane ka jingialang ki nongialam ki la pynsngew sha ki nongshong shnong iaka jingdonkam ban ieit bad sumar iaki dieng namar ki long ki ba myntoi ban pynioh iaka lyer ba khuid ba ngin ioh ban ring mynsiem,bad ki dieng ki long ruh ki ba long dawai kum u dieng dabi ,u dieng khyrdop,u dieng sohpri am,dieng ksehblei bad kiwei kiwei ki ban pynmyntoi shi katdei na ka bynta ki jingpang ba bunjait.
Shuh shuh,ia kitei ki dieng bala thung la aid a ka tnad Khlaw jong ka Sorkar ha kaba la thung ha ka jaka baheh kumba 5 acre ka khyndew.
Phi don ban ong eiei?