Lyngba ka Childline ioh kem ia 12ngut bad pyllait ia 9ngut ki khynnah

Jowai: U Superintendent of Police ka West Jaintia Hills District u bah Lakador Syiem ha ryngkat ka kynhun pulit jong u ka la ai khublei kyrpang ia ka kynhun jong ka Childline Jowai bad myn hynnin ka sngi la aiti ruh ia ka Syrnod ai jingiaroh ia katei ka kynhun.
Ia katei ka syrnod la aiti sha u bah Denis Kurkalang ha kamra u SP myn hynnin ka sngi.
Ka Childline Jowai ka la ai ka jingiatrei lang bad ka jingiarap khlem da khein ka sngi, ka synnia, ha kaba iadei bad ka jingshah kem ki 12ngut bad ka jingioh pyllait ia ki ngut ki 9 ngut ki khynnah 16 bad 17 snem kiba la rung sha ka kam die met ban khaii bad kamai pisa.
“Ngi ai ka jingiaroh shisha ia ka Childline hapoh ka jingialam u bah Kurkalang naba kim ju kyntait ban ia trei bad ka kynhun wat hapdeng ka miet ka synnia tang shu phone ia ki”, la ong u bah Lakador Syiem.