Kynthah U Zenith, ba kynriah jingialang ki myntri nawei shawei

Shillong: U Zenith Sangma, nongialam ka seng Congress, ula kynthah tyngeh mynta ka sngi, halor ka jing pynlong ia ki jingialang Cabinet na kawei ka jaka sha kawei pat bad U Zenith, u ong ba katei ka jing pynlong ia kitei ki jingialang, kam don jingmut satia.
Ha ka jingkren jong U Sangma, u ong ba katei ka dei tang ka jing pynlut kai ia ka pisa paidbah bad ia ka por ruh kumjuh.
“Kano kano ka rai kaba phi shim ha ka Cabinet, lada ka dei ha Shillong lane hangno hango, ka dei hi kajuh bad kam don jingmyntoi ia u paidlang jong katei ka thain lane ia ka Garo Hills hi baroh kawei” ong shuh U Zenith.
U Zenith, iathuh ba ka sorkar, ka shu pynlut kai ia ka pisa jong u paidbah, ha kaba pynbiang ia ka shong ka sah, ka leit ka wan jong ki heh sorkar, kiba hap ban leit khnang sha Tura, na bynta ka jingialang jong ka Cabinet.