Shillong: Ka KSU Mynksan Unit West Jaintia Hills District lyngba u General Secretary Samla Garland S Manner, ka pynpaw ia ka jing sngew bitar halor ka rukom shondur smart card jong ka tnad ba dei peit, ha shnong Mynksan namar ba bun ki paidbah kim ioh lad ban shondur, wat haba ki la ap baroh shi sngi bad ba ladep ban pyrta shnong ban wan ki nong shondur smart card; hynrei kaba sngewsih ka long wat la ki ia ap baroh shi sngi ruh kim ioh lad ban shon, namar ba ki nong shondur ki iathuh bym biang ka network bad ka light.
Ka seng ka pynpaw, ba balei kim wan ban test shwa kaei ka network ka ba biang eh ban pyndonkam ha kane ka shnong, ha shwa ba kin wan lane ba balei kim wanrah ia ki Generator ban ioh ding ilektrik, la pynpaw u Samla Garland S Manner.
Kumba long hi mynta wat tang shi powa ruh ki briew kim ioh ban shondur ha kane ka shnong, don kiba ong ba kin hap leit shon sha ki Block ban ioh ia kane ka card.
Ka KSU Mynksan Unit ka ban jur na ka tnad ka koit ka khiah ba dei peit ba ka dei ban phah kloi biang ia ki briew jong ka sha ki shnong ki bym pat dep ban shondur khnang ba kito kiba duh kin ioh biang.
Phi don ban ong eiei?