Ia kynduh ki nongshong shnong ka Umroi, ia ka MeECL ban iada ia ka Umiam

Shillong: Ki nong shong shnong ka Umroi Ribhoi District mynta ka sngi ki la leit ban ia kynduh ia u Additional Secretary ka MeECL halor ka phang ban iada ia ka Umiam.

Ha kane ka sngi ki la leit ban ia kren ban shim ia ki lad ki lynti kumno ban iada ia kane ka um kaba don ia ka jingitynnad jong ka mariang ha kaba ka la ai shi bun ki lad kamai jakpoh ia ki briew jong ka thain.

Na ka liang u bah Kronsing Nongbsap u la ong “Lada na ka liang sorkar kam kyndit bynriew ka umiam kan sa shu dap tang da ki jaboh bad ka ktieh bad ka jingsma kaba tuid na sor Shillong”.

Ka pung Umiam ia kaba la tei na ka bynta ban den um ban pynmih bording ilektrik da ka tnad Meghalaya Electric Corporation Ltd, ka long ruh kawei na ki jaka jngohkai kaba khring ia kiba bun ki nongleit nongwan lyngba ka surok bah Shillong Guwahati kumjuh ruh ia kiba bun ki nongshong shnong na kylleng.