Shillong: Ka Mairang Sub-Divisional Officers Club (MACSOC) ha ryngkat ka bad ka Mairang Constituency Educational Excellent Award Committee (MCEEAC), kan pynkup burom ïa ki khynnah samla pule kiba la leh shitom bad ioh kheit ia u soh u ba bha ha ka kyrdan Top 10 ha eksam SSLC 2019 bad HSSLC 2019 (Arts, Science & Commerce) ka MBOSE kiba dei ki nongshong shnong na ki shnong kiba hap ha ka 30-Mairang (ST) Assembly Constituency.
La kyrpad ïa ki khynnah pule kiba la poi sha ka thong ba kin sngewbha ban aiti ïa ki kyrteng jong ki ha ryngkat ki kopi jong ki marksheet, EPIC/lane EPIC ki kmie ki kpa bad ki mobile number ha ka ophis treikam jong u Sub-Divisional Officer (Civil), Mairang ha lane shwa ka 18 tarik u Jylliew (June), 2019.
Ha kane ka sngi yn pynkup burom kyrpang ruh ïa ki samla pule kiba don jingduna ha ki dkhot met bad kiba la lah ban pyndep ne pass ïa kitei ki ar tylli ki kyrdan jingpule.Ia ka tarik jong ka sngi ban pynkup burom ia ki samla pule yn sa pyntip sha ki khynnah kiba la shah jied, ong ka kyrwoh khubor na u President ka MACSOC, u bah A Nongbri.
Phi don ban ong eiei?