Hapoh shitaiew, dawa ka HYC ban weng ia u Doktor na Warmawsaw PHC

Nongpoh: Ki nongialam ka HYC, Ri Bhoi Sepngi, ki la phah da ka dorkhas sha u DMHO ka Ri Bhoi, na ka bynta ban kyntu ia u ba u dei ban weng noh mardor ia u Dr. E Pandit, u Doktor uba peit ia ka PHC kaba don ha shnong Warmawsaw ha Ri Bhoi.
Ha ka dorkhas kaba la soi da u Kupbor Lyngdoh, President ka HYC ha Ri Bhoi Sepngi, la kdew ba ka daw hi kaba la pynlong ia ka seng ban kan shim ia katei ka sienjam ban dawa pynher noh ia utei u Doktor, ka dei hadien ba ki la ioh ia shibun ki jingujor na ki paidbah jong katei ka thain, kiba la ujor sha ka seng da kaba kynnoh ruh ba utei u Doktor um shem la shimkhia ia la ka jong ka kamram.
Ha katei ka Doskhas, kaba ka HYC ka la phah sha u DMHO, la kdew ruh ba ka seng ka aipor 1 taiew ia u DMHO ba u dei ban pynher noh ia utei u Doktor bad dawa ruh ban thung noh da uwei pat u Doktor, uba lah ban shimkhia iala ka jong ka kamram bad ba kan da long ruh ka jingmyntoi ia ki paidbah kiba sah ha katei ka thain.