Kurup ksiar ba shongdor T.70lak, ki pulit ka West Jaintia

Shillong:Ki Pulit ka Special Team hapoh ka jingialam Donkupar Moksha MPS, Dy.SP Traffic jong ka West Jaiñtia Hills District, ki la pynlong ka jingkhynra kali kiba wan na ka thain Phramer ha kaba ki la ïoh kurup haduh 12 tylli ki biskit ksiar ba shongdor T.70 lak. Ka Special Team ki la ioh kynrup ia ki 12 tylli ki biskit ksiar na kawei ka bus Night Super kaba don ia u number kali AS 01 KC 9461.Ka Special Team hadien ba la ioh jingtip halor ka shalan beaiñ lyngba kane ka district, ki la pynlong ïaka jingkhynra kali ha Phramer.Kane ka kali kadei kaba wan na Jiribam Manipur bad ka thmu ban leit sha Guwahati.Ia kine ki 12 tylli ki biskit ksiar kaba khia 166 gms la ioh na u shi Amir Hussain, uba na Lilong Turel Ahanbi, Manipur.Ki Pulit kila kem ia u Amir bad ka jingtohkit kala iaid shakhmat.