Mynjur ka Real Madrid ban thied ia U Hazard ha ka dor kaba 150 million pound

Ka Real Madrid, ka la pynthikna ba kan thied ia U Eden Hazard, na ka Chelsea ha ka dor £150million bad kaba dei ka dor kaba rem tam jong kane ka aiom, haduh mynta ka sngi jong ka jingdie ia ki nongialehkai ha ka pyrthei.

U Hazard, un leit sha Spain ha ka jingsiew kaba £88m na ka bynta san snem kynthih bad kaba shongdor £400,000 shi taiew. La sngewthuh ba katei ka jing ia teh kan urlong ha ka Sngi Palei ban wan, ynda haba un wan phai na ka jingialehkai na bynta ka ri jongu, ka Belgium.

Ka dei ka por kaba biang bha ia U Hazard, ba un leit rung sha ka Real Madrid, namar ba u dang don ha ka rta kaba biang bha, ba u don mynta 28snem ka rta.