Pyrshah ka Women Commission, ba pynlong awria ia ki hep rit

Shillong: Ka khubor jong ka Meghalaya State Commission for Women ka la shong iaka miting ban pynrem jur ia ka jingjia shah pynlong kam awria ia ki khynnah rit kynthei ha Ri lum West Jaintia tang ban myntoi shimet.Ban pynlong ia ki heprit bad iaki khynthei badangrit kum ki mar iadie iathied ka long pyrshah ia ka ain bad ka dei ka bym lah ban pdiang ha ka imlang sahlang,la ong ka khubor.
“Ngi da kyrpad iaki bor ka ain ba kin wad iaki nong leh bymman bad ban pyntikna ba kino kino ki ba donkti ka ain kan ym dei ban noh shiliang,”la bynrap tyngeh.
Shuh shuh,ka ne ka Commission ka pynpaw iaka jing sngewsih halor ka jingshah pyniap kawei ka longkmie ha Umbir bad ka kwah kwah ba ki bor ka ain kin shim khia ban lap halor ka jingjia.