Ka West Khasi Hills kam dei ka jaka theh niut:HNYF

Shillong, 3 Jymmang:
Ka HNYF Western Region ka la pyrshah jur ia ka jingthmu ka sorkar ban buh ktem ia ki lehnoh ANVC-B hapoh ki jaka ba hap ha West Khasi Hills. U President ka HNYF-Western Region u Bah KS Rani u la ba ka West Khasi kam deia ka jaka theh nuit ia ki kam sniew ban shu leh da ka sorkar katba ka mon. “Ka West Khasi Hills ka long kum ka jaka theh jaboh ia ki kam sniew namar ba ka MUA-II kham mynshwa ka la thmu ban buh ia ka jaka sah ki hati khlaw ha West Khasi kaba don jingma bad kaba don jingsyier mynsiem ia ki paidbah namar ba ki hati ki dei kiba ju pynjot ia ki jingthung jingtep, kumba la jia ha Ri-Bhoi”, u la ong u Bah Rani.
Man ka por ki nongrep ha Ri-Bhoi ki la iakynduh jingeh namar ka jingwan hiar thma ki hati khlaw ban pynjot ia ki jingthung jingtep bad mynta ka sorkar ka la thmu ban buh ia ki hati khlaw ha West Khasi Hills kaba long ka jingma ia ki nongrep, la ong ka HNYF-WR.
Mynta ka sorkar ka la thmu ban wanrah sa ki lehnoh ANVC-B hapoh West Khasi Hills ba pynlong jaka sah ia ki kaban long ka jingma ia ka West Khasi Hills ha kaba ki lehnoh na Garo Hills kin wan ban leh ki kam beain ba har rukom ha kane ka ri Khasi Hills.
U la kyntu ia ki sengbhalang bad ki paidbah bad ki nongialam na West Khasi Hills baroh ba kin ieng pyrshah ia kane ka jingthmu ka sorkar ban shna ktem ia ki lehnoh ANVC-B, u la bynrap.