La sngi hat majai lum ka UDP, ia baroh ki seng sain pyrthei Ba kynnoh leh politiks U Mukul, ia ka kam pynlip ding

Shillong, 2 Jymmang:
Ka UDP kan khot iawer lut ia baroh ki seng sain pyrthei sha ka jing ialang ban iakren halor ka jingpynlip bording ka sorkar ban long ha kane ka sngi Hatmajai jong ka taiew ban wan.
U MLA ka Nong thymmai ba dei ruh u Working President ka UDP u Bah Jemino Maw thoh u la ong ba ka seng UDP kan khot iawer lut ia baroh ki seng

sain pyrthei ban don bynta lang bad ki halor kane ka jingdawa bad ban pynshisha halor ka jingkynnoh jong u Myntri ba ka jingiakhih jong ki halor ka bording kam dei ki kam politik.
“Ngin khot lut ia baroh ki seng sain pyrthei ban iasnohkti lang kynthup naduh ka seng Congress ban pynpaw ba kane kam dei ka kam politik”, la ong u Bah Mawthoh.
La ong ba ha ka jingshisha u Mukul u dei ban tip iaka jingduna na ka sorkar namar ka jingpynlip bording da ki 13 kynta ha ka shi sngi ka la ktah shibuh eh ia ki paidbah hynrei u kynnoh pynban da kumne kumtai.
La ong ba ka jingkynnoh jong u Mukul ba ka UDP ka leh Politik ka dei tang ka jingkren laplah jong u bad u ialade u dei ban kynmaw ba u dei tang u Myntri Rangbah ka Jylla ym dei u Patsha.
U Bah Mawthoh u la ong ba u Mukul u dei ban sngewthuh ia ka jingduna na ka sorkar ba kam lah ban pynbiang ia ka jingdonkam jong ki paidbah hynrei u kynnoh pynban ba leh politik.
U la ong ba na ka liang jong ka UDP kan sa shong jingialang ha ka sngi Hatmajai jong kane ka taiew ban wan bad kin sa ai ia ka rai ha kane ka sngi.
“Ngin pyni sha ki paidbah ba kane kam dei ka kam politik kaba ktah ia u paidbah”, la ong u Bah Mawthoh.
Ha kajuh ka por ngin dawa ba u Myntri ba dei peit halor kane ka tnad bording udei ban hiar shuki noh namar ka jingbym lah ka jong u ban peit ia kane ka kam.
“Ngi lah ba un hiar shuki noh namar ka jingbym lah jong u ban peit ia bit jingbiang jong kane ka kam”, la ong u Bah Mawthoh.