Pyrshah ka SOMALA, ba thmu die jaka sha ki BSF

Shillong: Ka seng SOMALA, lyngba U bah W Anthony, uba dei u convener jong ka seng, ula pynpaw ba ka jingthmu die jaka jong ka Hima Mylliem bad ka Raij Marwet sha ka BSF, ka long ka khubor kaba kthang iaka jaidbynriew baroh kawei.Lada ki seng Bhalang ki dang ialeh tyngeh ban khanglad ban die jaka sha ki mynder,ki Nongsynshar u Syiem u Kmie ki pyrkhat ban die suk iaki jaka ki puta sha ki shipai kala pynkyndit, kumba iuh tdong bsein. “Kumta,ngi da kyrpad ia ki Khlieh Nongsynshar U Syiem U Kmie ban kynriah noh naka tei ka jingthmu ban die jaka sha ki shipai namar ka long pyrshah iaka riti ka dustur jong ngi ki Khasi.Ka long ruh pyrshah iaka Six Scheduled ban ai shawei iaki jaka jong ki riewlum.Ngi khmih lynti ia ki Nongshynshar U Syiem u Kmie ban bat skhem iaki riti ki dustur namar dei ka riti ka dustur kaba pynlong Syiem iaki.Khlem ka riti ka dustur ngi la jot ngi la pra” ong ka kyrwoh jong katei ka seng.
“Dang shen ngi la thoh shithi sha U Chief Minister ban buh tarik ban iakren halor ka Meghalaya Tranfer of Land Regulation Act 1971 kumno ban pyntreikam kyrkieh bad pyntreikam tikna.Pynban mih kine ki jingpyrkhat ingkhong shalyngmat ki ba pyndukha iaka mynsiem jongngi baroh. Horkit hordang ngim dei ban ai jaka sha u shipai namar ha ka ri jong ngi ki la syrtap lypa da u shipai kaba long ka jingduh nong suda iaka jaitbynriew ha ki bun rukom” pynkut ka kyrwoh.