Batbor u nongkhem ia ka samla

Shillong,2 Jymmang:
U wei u nongkhem met uba leh doktor ruh ialade u la shim kabu ia ka sap khem ba u don, ha kaba u la leh ia ka kamsang ia kawei ka samla kaba dang 21 snem karta kaba la wan ban phah sumar ha u. U te u doktor jakoid u dei uba la tip kyrteng kum u Sanlo Mawphniang, u la leh ia katei ka kam poh ha ka 22 tarik u iaiong, ha kamra sumar jong u kaba don ha ka shnong Kbeit Ri-Bhoi District. Ki pulit ki la kem ia u bad ka jingtohkit ka dang iaid shakhmat.
Ha kawei pat ka jingjia, u bah Brington Mawphniang u la ujor sha ki pulit ka Nongpoh PS ba ha ka 28 tarik u iaiong, u Balajied Lamare u la rahbor ia ka khun jong u kaba dang don hapoh 20 snem karta na ka shnong Saiden, Nongpoh-Ri-Bhoi District, bad la lap ba u la kit ia ka sha kawei ka hotel ka Hotel payal, kaba dodn ah Khyndailad ,shillong ha kaba u la batbor ia ka hapoh katei ka hotel. U la pyntip sha ki pulit ba u lamare u la pyllait ia ka khun jong u ha ka 30 tarik , kata ar sngi hadien ba la rahbor , ha kaba ka khun jong u ka la poi suk sha ing. Ki pulit ki la kem ia u Balajied lamare bad ka jingtohkit ka dang iaid.