|
Shillong: Ka National Institute Of Fashion Technology (NIFT) mynta ka sngi palei ka la pynlong ia ka jingpynkup burom ia ki khynnah kiba la pass ha ka jing pule jong ki ha ka ne ka jaka hikai.
Kiba la shah pynkup burom ki don haduh 80 ngut ki samla pule kiba la pyndep ia ka Post Graduate jong u snem 2017-2019 bad ia ki samla pule kiba la pyndep ia ka jingpule Under Graduate jong u snem 2015 haduh u snem 2019.
Ia kine ki samla pule la pynkup burom da u Myntri ka tnat Pule Puthi ka Sorkar Jylla, u Ma Lahkmen Rymbui uba la long u kongsan ha ryngkat ka jingiadonlang jong u Director General of Police ka Jylla Meghalaya u R. Chandranathan uba la long u symbud ha ka jingialang pynkup burom ha ka fashion designing la sakhi lang ruh da ki kmie ki kpa bad ki bahahing hasem kaba la long ha u Soso Tham Auditorium, Shillong.
Kane ka jaka hikai naduh ba la seng ia ka ha u snem 2008 ka la nang kiew sted bad plielad plie lynti ia ki samla kane ka thain ha ka ioh kamioh jam lyngba kane ka lain.
Ha ka jingiaid lynti jong ka, ka NIFT ka la nang pyniar shuh shuh ia ki jingai jinghikai ki ba iadei bad ki design lane ka kam pynwan dur ia ki riam ki beit da ka ba pynlong ia ka kum ka lad kamai ha kaba la kner sha ki lain raim tynrai kumjuh ruh ia ki tiar buh nam ne pynitynnad ia ka ing kasem ha kaba ka iew kala iaid wat shabar ri ruh kumjuh.
Ha kaba iadei bad kane ka NIFT ha u snem 2018 la don phra kynhun ki ba mar arphew phra ngut ki samla pule ki ba la pyndep ia ki graduation project ka ba la neh arphew ar taiew kynthih bad kaba la bei tyngka da ki company ban pynwan dur bad pynmih ia ki design bapher bapher ban pyniaid iew ia ki.
Ha kane ka nohphai sngi ka la don ruh ka jingpyni nam ia ki riam ki beit ki bapher ba pher ia kiba la pynwan dur bad thaw hi da ki samla pule jong ka NIFT.
|
Phi don ban ong eiei?