Ngam buhrieh lok, kum U Narendra Modi, ong U Digvijay

New Delhi, 1 Jymmang:
U nongialam ba rang bah jong ka seng Congress, U Digvijaya Singh, u iathuh ba un sa pyndep ia ka jing ia thoh shong kurim jong u bad ka nongkren telebishon, ka Amrita Rai, ynda haba ka Amrita, kan pyndep ia ka jing ia pyllait sanshyieng jongka shen bad la u jong u kurim barim. Ha kawei pat ka liang, U Digvijay, ula kawang kylla ia U Naren dra Modi, uba dei u kandidet myntri rangbah duh ka BJP, ha kaba u ong “Nga don ka jingshlur ban iathuh, ia kaei kaba nga la leh bad ban ialeh, ia kaei kaba dei ban jia. U Modi, u dei u riew khaw pud, ha kaba u buhrieh ia ka tnga la jong da ki bun bun snem”. “Ngam ju buhrieh kum U Modi, wat la ka dei ka kam shimet, hynrei, nga la pynlong ia ka, kum ka kam paidbah” ong U Digvijay, halor ka jingiadei jongu bad ka nongpule khubor ha ka telebishon jong ka Rajya Sabbha TV.
“Ngam ju buhrieh ia ka jingiadei jongnga, kaba U Modi, u leh bad ngam dei u khawpud” ula ong shuh shuh.
Ka Rai, ka iathuh, ba ka la ia khlad noh bad u kurim jongka, ha kaba ki la mynjur ban ia pyllait sanshyieng noh bad ka la kren shai ruh, ba kan ia shong kurim noh shen bad U Digvijay Singh.
La sngewthuh ba ka jingmih paidbah jong katei ka jing iashondur lang jongka bad U Digvijay, ka dei hadien ba la don ba la plie tuh, ia ka email jongka bad ka Rai, ka kynthoh, ba katei ka dei ka kam thok, kaba sniew tam ha India.
Ka kurim jong U Singh ka la khlad noh ha U Rymphang jong u snem ba ladep.
Na ka liang jong U Sushil Kumar Modi,u nongialam jong ka seng BJP, ula kynthoh ia U Singh, ka twitter, da kaba u ong “Khublei Digvijaya, ba u dang ia iaid kynthei, wat haba u la don 67snem ka rta”.
Na ka liang jong U Somnath Bharti, uba dei u nongialam jong ka seng AAP, ula kynnoh ba U Singh, u dei uba don ka jinglong kaba sniew bad ula ong shuh shuh, ba un sa leit ban ujor ha kashari hadien ka elekshon, ba U Digvijay, un sei madan ia katei ka jingjia, kaba ula leh baroh shi katta.
Ka jingmih ha ka youtube, ha ki khyndiat sngi, kaba pyni ba U Digvijay, u ialeh ieid bad ka Amrita, ka la pynmih ia jing ia peit kai paidbah, kaba la jubor haduh katta katta ha ka youtube, shaphang ki dur ialeh ieid jong u nongialam, uba la 67snem jong ka Seng Congress.