Ai jingiaroh ka HYC ia U Conrad, halor ka surok Mawmaram sha Lad Umsaw

Shillong: Ka HYC Nongthliew Circle, ka ai jingiaroh ia ka jingshim khia jong u myntri rangbah ka Jylla, U Conrad Sangma, halor ka surok Mawmaram shaduh Law Umsaw.

Katei ka seng, ka pynsngew ba halor katei ka surok, U Conrad, ula pynsngew ba kan khanglad ia ka jingdheng kali ha ki thain khap sor, namar ka jingwan tuid ki nong jngoh ki pyrthei ha kane ka Jylla, kaba la pyn khapngiah ia ki kali ha ki thain sor.

Ka HYC, ka ong shuh shuh ba u myntri rangbah, ula dei ban shim khia ia katei ka surok, ba kan long ruh ka jing myntoi ia ka thain bad ka Jylla hi baroh kawei,  ban pynsuk ia ki briew kiba leit jngohkai sha Sohra, ba kin iaid na katei  na katei ka jaka bad haba ki kwah ban leit sha Nongkhnum ka jaka  jngohkai bad ha Mawphanlur, ia kaba ki nong jngohkai pyrthei ki wan kan long ka jingsuk ia ki bad ia kito ki briew kiba kwah ban leit na katei ka jaka. Shuh shuh na ka liang ka seng, kan sa leit ban ia kynduh ia u myntri ba dei peit ia katei ka bynta bad ban ia kren ia tai sani khnang ba ka jingwan jurip u myntri kam dei ban leh noh ei lane kam dei kum ka jaka shang  pynngad kai jong u shipor, ong ka kyrwoh na U bah Arbud Nongrang, Secretary ka HYC Nongthliew Circle.