|
Ngam dei U Saiantis (Scientist) ne uba la pule bniah shaphang,Ka Mariang.(Environment) Hynrei kumba ialong lem kiwei, Nga don ka Jingsngewieid iakane “Ka Mariang ” ba ngi Shong ngi Sah.Hadien,bala don katto katne ka Jingsawa, Shaphang ka Jingkylla Ka Jinglong jongka Mariang, haka pyrthei baroh kawei. La sngewdonkam ban ia pynmih sur lang, halor kane ka bynta, Namar ym shym la niew ba kadei ka phang kaba, ngin shu ia leh tangdep, ngin shu iakhih tang ban pynlait jynhaw, Hynrei kadei kaba kongsan tam haka jingiadei bad Ngi ki briew kiba khih ba ksar hapneh jongka, ban kham pylleit jingmut tikna, bad shimkhia tikna iaka.
Haba iakren shaphang ka Mariang, hakum kane ka juk mynta, bun na ngi, ngi sdang ban iohsngew kynrei iakata ka Kyntien haka ktien Nongwei Ka “Global warming ” haba shu pynkylla syndet sha ka Ktien Khasi lah ban ong “Ka Jingshit Jingkhriat Satlak ka Pyrthei” .Nangta ngi ioh sngew sa ka kyntien “Climate change ” kaba mut “Ka Jingkylla Ka Suinbneng”,Ka lah ban shit, khriat, lyoh, slap bad kumta ter ter.Bad iakane ka Kyntien “Climate change ” Lah ruh ban ong iaka, ka “Ecological Change”. Kine baroh, ki kyntien ki kynthup hakawei ka jingiasoh ka “Mariang” ,Kumta ngi lah ban ong dakaba suk “KA JINGKYLLA KA MARIANG”. Nyngkong eh, ka jingkylli ka lah ban jia, Balei kumta kata ka Mariang ka Kylla? Mano, ba dei ka tynrai ka jingkylla kata ka Mariang? Khlem pep, Ka jubab kaba suk, Ka wan dei na ka jingleh jong “UBriew”!!! U briew u dei u jingthaw ha pyrthei, uba Shah pynkit pop nyngkong shaphang kane ka Jingkylla ka Mariang.Nakabynta ka jingbit jingbiang jong u khunbynriew, la kylla sohpdung ka Mariang katkum ka jingdonkam jong u. Hooid, iakata ngim lah ban lait, Hynrei Ka Mariang kaba Long ka sohpdung, la shu iehnoh bein iaka, Kumba ngi pynpaw pynban ba u briew, u kylla long “U Runar” ba shyrkhei tam hakhmat ka Mariang. Lada iakren shwa tang Shaphang ka jinglong ba kongsan ki dieng ki siej, ki Jynthung Jyntep, Ka la biang eh ban Sngewthuh, Balei ka Mariang ka kylla? Ka Saian ka batai katkum ka kyrdan ban sngewthuh paidbah, ka ong, “Ki Jynthung, ki dieng ki siej, ki pynmih iaka lyer kaba khuid, khnang ba u briew un ioh ring mynsiem. Bad la khot iakata ka Lyer ka “Oxygen”.Bad kine ki Jynthung,Ki dieng ki siej, ym tang ba ki pynmih iaka lyer kaba khuid, Hynrei ki dei ki nongkjit iaka lyer ba jakhlia, kum ki Jynbam jongki. Bad la khot iakata ka lyer jakhlia Ka “Carbon dioxide “. Kaba mut, ubriew bad ki dieng ki siej, ki ialong kiba ia kyrshan markylliang.U briew u ai jingbam iaki dieng ki siej, daka lyer jakhlia(Carbondioxide),katba ki dieng ki siej ki ai jynbam ia u briew daka lyer kaba khuid (Oxygen). Ka saian ka ong, “Ym don kawei pat ka lad kaba lah ban iada naki lyer jakhlia, lymda ngi thung jynthung, ne ki dieng ki siej “( Vegetation is the best prevention of air pollutions) Lada ki dieng ki siej ki duna, hakane ka Mariang jongngi, Kumno ngin khmih lynti ba kine ki jingjakhlia jongka lyer kan long kaba khuid??? Ka jinglong ka suinbneng shaneng haka haw haw, ka jia katkum ka jinglong ka lyer kaba mih na kane ka sla khyndew! (Water recycling) Katkum ka jingsngewthuh paidbah,Ka saian haba ka batai, ka ong, “Dei na ka jingiatyngkhuh ka lyer ha sahit bneng ka pynlong ia u slap ban hap ” Lada ka jia kumta, Khlempep ka “JINGKYLLA KA MARIANG, kata ruh ka jia naka lyer,kaba kiew noh sha sahit bneng nakane ka khyndew ba ngi shong ngi sah!(Water vapour) Kata kan dei eh ka jingshisha namar, Ka jingkylla haka lyer,ka kham jubor hakane ka pyrthei jongngi, naka jingleh jingkam u khunbynriew. Ka jingsyllen ki khlaw ki btap, naka kano kano ka jingtrei u khunbynriew, dakaba pom pathar iaki dieng ki siej. Ki tdem ba bunjait ki mih na ki kam ba pyndonkam u briew, kum ki tdem kali, ki them kharkhana, bad kiwei kiwei kiba bunjait bun rukom. Te, Lada kat kine ki jingpynjakhlia u briew, Hynrei ki dieng ki siej ki duna pat, Mano ban bahkhlieh iaka jingkhuid jongka lyer??? Te, ban ialeh pyrshah iakane ka jingkylla ka mariang, ka jubab kaba shai, ba ngin iada ne ba ngin lah ban iasnohktilang baroh, kadei ba ngin thung ia ki dieng ki siej, Watla ngim lah ban thung shibun Hynrei “U WEI U BRIEW , U WEI U DIENG:To Ngin ia THUNG DIENG!!!. KHUBLEI SHIBUN Shri. Dap B. Syngkrem |
Phi don ban ong eiei?