| Nongpoh: Ka Nongbishar jong ka District& Session Court Ri Bhoi, ka Kong G. Rani, ka la rai pynrem bad ai ruh da ka jingpynsaja da kaba un hap ban shong Patok shirta jingim ia u Bah Spelling Kurbah, u runar uba la pyniap ia la u hynmen lajong. Lah ruh ban kdew hangne ba dei ha u snem 2016 ba utei u runar, u la pyniap ia la u hymmen da kaba pom da ka wait bad katei ka jingjia ka la jia ha ka shnong Amkhri kaba don ha ki thain Umsiang ha Ri Bhoi Distrik. Naduh katei hi ka snem, la tian bishar ia utei u runar uba la shah pynngat ha ka kyndon 302 IPC bad dei ha ka jingbishar ha u Bnai ba la dep, la rai pynrem ia u ba un hap ban shong patok Shirta jingim, ha ryngkat ka kuna kaba T. 50,000 (hajar). Hadien ba la rai pynrem ia utei u runar, ka Iingbishar ka la shim ruh ia ka rai ba ka sorkar ka dei ban siew ia ka pisa kaba T. 3 lak sha ka longiing jong u Bah Bartu Kurbah, uba la shah pyniap noh ha la u jong u para. |
Phi don ban ong eiei?