New Delhi: U Subhrangshu, u khun jong U Mukul Roy, uba dei uwei na ki nongialam jong ka seng Trinamool Congress (TMC) ha ryngkat bad arngut ki MLA jong ka West Bengal lem bad 50ngut ki councillor, ki la pyniasoh ialade sha ka seng Bharatiya Janata Party (BJP) mynta ka sngi.


Haba kren sha ki kotkhubor, U Mukul Roy lem bad U Kailash V Kailash Vijayvargiya, u nongialam jong ka seng BJP, uba peit ia ka West Bengal, u iathuh ba U MLA na Bijpur, uba dei na ka seng TMC, U Subhrangshu Roy bad nangta sa uwei U MLA na ka seng Congress bad uwei na ka seng CPM, ki la pyniasoh ialade sha ka seng BJP ha ryngkat bad 50ngut ki  councillor.

U Vijayvargiya, u iathuh ia ki kotkhubor ba ki dang don bun ki dkhot jong ka TMC, ki ban pyniasoh sha ka seng BJP, ha ki 7 tylli ki kylla ban sa wan.

Na ka liang jong ka seng Trinamool Congress, ka la sospon hynriew snem kynthih, ia U  Subhrangshu Roy, MLA na Bijpur, na ka bynta hynriew snem, namar ki kam pyrshah seng jongu bad la iathuh ba U Roy lem bad U Shilbhadra Dutta lem bad U Sunil Singh, ki MLA jong ka seng TMC, ki la leit sha Delhi hynnin ka sngi.