|
Ka Khasi Students’ Union (KSU) Narpuh Circle lyngba ka Education Committee ka shim ka kabu ban ai khublei kyrpang sha baroh ki samla pule ka Thaiñ Narpuh kiba la pass bha ha ki Exam SSLC bad HSSLC . Phi la ioh ban kheit ia u soh ka jingtrei shitom jongphi baroh shisnem, phi la pyndep hok la ka kamram (duty) ba ki kmie ki kpa ki la ai. Ka jingjop jong phi ia ka thong ka wanrah shisha ka nam, ka burom bad ka spah jingkmen ia ka ïng ka sem bad ia ka shnong ka thaw. Ka jingjop jong phi ia kane ka thong, ka long ka kabu baphin nangiai minot ha ki kyrdan ba kham shalor katba ki kmie ki kpa ki dangdon ka lad ban kyrshan. Na ka bynta kito kiba wan shakhmat, ka seng kumba juh long manla u snem, yn pynkup burom ia ki da kaba ai khusnam (Award), bad ia kane ka kam yn sa pynbna hadien
Ka seng ka pynpaw ka jingsngewdiaw ia kito ki samla ki bymlah ban poi sha ka thong, hynrei ngi ai mynsiem iaphi ba phin ym duh jingkyrmen, to nangiai minot da kaba ong, ‘lada kiwei ki lah nga balei ngam lah ‘. To ioh ka mynsiem jingiaishah, namar ba shisien ka sngi maphi ruh phin ioh ka jingjop. Ha ki jingialeh teng teng ngi shah jop bad bunsien ngi kyllon.
Khublei shibun
Kyrwoh na u Samla Sanatomba Bamon Education Secretary KSU Narpuh Circle
|
Phi don ban ong eiei?