7 tarik dorbar Langrin

Shillong,1jymmang: Ka Dorbar paid bah ka Hima Lang rin kan long h aka 7 tarik mynta u bnai ha ka por 11 baje mynstep ha ophis Syiem ha Phlangdiloin, ong ka kyrwoh na u N.S Syiem iong, Acting Syiem ka hima Langrin.
U Acting Syiem u la pynbna ruh ba ka don ka jingpan jingtip katkum ki kyndon ain RTI ba la pan da U Jespar Nongsiej bad u Kyrshan Lyngdoh kiba kam ba ki dei na ka shnong Phlangdiloin bad namar ba katkum ka jingtip jong kitei ki arngut ki don bun ki jingai jingtip kiba dei ban ioh jingmynjur shwa na ka Dorbar Paidbah jong ka Hima bad ki don ruh ki jingai jingtip kiba dei ia baroh ki Khlaw Khurit jong baroh ki khun ki hajar hapoh ka Hima.
Ka kyrwoh ka la kyrpad ia baroh ki khun ki hajar kiba don Ri-Khurit,Ri-Kynti,Ri-Kur bad kumta ter ter ba kin poi khnang khnang sha katei ka dorbar khnang ba ka jingai jingtip kan long lyngba ka jingtip lem jong ki trai khyndew baroh.Ha kajuh ka por la bthah ruh ia baroh ki Sordar Shnong hapoh ka Hima ba kin pynbna paidbah biang hapoh ki shnong jong ki halor kane ka mat.