Shah jied san ngut ki khynnah ban kilan met ha Ananthpur

Shillong:San ngut ki khynnah ialehkai cricket ka jylla Meghalaya ki la shah jied ban leit kilan met ha ka National Cricket Academy camp ha Ananthpur, Andhra Pradesh ka ban long ha 24 tarik jylliew haudh 18 Naitung, 2019.
Ki kyrteng jong ki khynnah ki long u Sudhir Sahani, Gavineal Marpna, Josiah Momin, Waldo A Sangma bad Mritunjay Bharali
Kine ki khynnah na ka jylla ki la shah jied ha ka camp ba la pynlong da ka All India Junior selection committee ba la khlieh da u Debasis Mohanty bad ki la kynduh dang shen ha ka Guwahati ha ka jingialang jong ka North East bad Bihar Zonal Committee ha kaba ki Chairmen bad ki dkhot na ki jylla jong ka U-16 selection committee ki la donlang.