Ha ka jing ia than ka tnat PWD bad PHE, slem ka um sha Upper Shillong

Shillong: U Myntri ka Urban Affair u bah Hamlet Dohling mynta ka sngi ka 24 tarik u Jymmang 2019   u la lum jingialang ha Lummawbah Comminity  hall ban ia mir jingmut halor ka jingslem ban dep ia ka Upper Shillong Water Supply.

       Haba ia kren bad ki nongpathai khubor u bah Hamlet Dohling u la ong “Ia ka ne ka project la sdang naduh u snem 2013 hynrei haduh mynta ruh kim pat lah ban pyndep ki daw baroh ki long ka jing iathan hapdeng ka tnad PWD bad PHE “. U bah Hamlet u la ong “Mynta ngi la lum ka jing ialang hapdeng u Chief Engineer  ka PWD ka PHE bad ka MEECL bad ka jingia don ryngkat bad Symbud Myntri Rangbah u bah Prestone Tynsong, la pynbeit ruh ia ki kyrwit kyrwoh hapdeng kine ki tnad ba kim dei ban pynthut khnang ban lah ban wanrah ia ka roi ka par ia u paidbah.”

      U bah Hamlet u la ong “Ia kane ka project la sdang naduh u 2013 bad ladei ban dep tang 2 ne 3 snem hynrei ka la slem palat. Ngi kyrmen ruh ba kin lah pyndep kham kloi bad ka kam mynta ka la  dep kumba 82 percent.”