Soi ka TAFE ia u Akshay Kumar, kum u Brand Ambassador na ka bynta ka kali Massey Ferguson Tractors

Ka TAFE – Tractors and Farm Equipment Limited, ka shlem die kali Traktor kaba wan balai ha ka pyrthei, ka la pynbna ba ka la iasoi ia u aktor Akshay Kumar kum u Brand Ambassdar jong ka Massey Ferguson Tractors.  Ha kine ki 60 snem ba la leit noh, ka TAFE ka la pynwandur ia ki hali ka rep ka riang jong ka dewbah India bad jong ka pyrthei da kaba iuhkjat ha ki 100 tylli ki ri ka pyrthei bad la lah ruh ban shna haduh 2.5 million tylli ki kali  tractor haduh mynta.

Ka kali Massey Ferguson ka dei kawei na ki kali ba la shna pynwandur bha ha ka ri India.  Nalor ba ka la iohnam kum ka kali kaba paka ba la shna katkum ka juk teknoloji ba mynta, kane ka kali ka long ru kaba pawnam ha ka pyrthei.

U Akshay Kumar u la phah ia u kyrwoh sha ki nongshong shnong jong ki nongkyndong ka ri India bad sha ka pyrthei ha  kaba la niew ruh ia u kum u “King of Action” bad u nongtrei mon sngewbha.  U dei u khlur ak phlim uba la pawnam bha ha ka rukom ak bad u long ruh u nongtrei mon sngewbha uba kwah ban wanrah ia ka jingkylla ym tang ka rukom akphlim hynrei wat ha ka imlang ka sahlang.

Ka jingiatreilang hapdeng ka Massey Ferguson Tractors bad u Akshay Kumar ka la long sa kawe pat ka sienjam.  Kawei na ki nuksa ka long ba la shna ia kane ka kali ha ka rukom kaba pynsuk ban kiew ia ki lum ki them ban pynmadan ia ki hali ki pynthor.
Haba kren ha kane ka sngi, u TR Kesavan u President bad COO ka Product Strategy and Corporate Relations, ka TAFE u la ong, “ka Massey Ferguson Tractors lyngba ka shlem shna kali traktor ka dei kaba la paw bha ha ka ri India khamtam ha ka liang kaba pynsuk ia ki nongrep ha ka rep ka riang.  Ngi ngeit skhem ba ka jingiatreilang bad ka jingiatehlok bad u Akshay Kumar kan iarap ban pyniajan shuh shuh ia ngi bad ki paidbah nongthied kali traktor kiba kwah ban pyndonkam ha ki jaka rep.”

U Akshay Kumar haba kren ha kane ka sngi u la ong, “nga khmihlynti ba ka jingiatreilang jong nga bad ka Massey Ferguson tractor jong ka TAFE, kaba long kawei na ki shlem kaba ju pynmih ia ki kali ban lur ia ki hali bad ki pynthor rep kan iarap ia ki nongrep ban tip kham bniah shaphang kane ka kali bathymmai.”

Ka jingiatreilang jong ka TAFE bad u Akshay Kumar na ka bynta ka kali Massey Ferguson tractors kan wanrah shuh shuh ia ka jingjan bad ki paidbah khamtam ha kane ka jingiaid lynti jong kane ka shlem die kali traktor ha ka ri India.