Jop ka BJP ha 9 tylli ki Constituency ha Assam

Ka seng BJP, ka la jop ha 9 tylli ki Constituency ha Assam, na baroh 14 tylli kiba don ha katei ka Jylla, nangta ka la jop ruh ha baroh ar tylli ha Arunachal Pradesh bad ha Tripura bad nangta sa kawei ha Manipur.

Ha Assam, ka BJP ka jop ha  Autonomous Council (Diphu), Dibrugarh, Guwahati, Jorhat, Karimganj, Lakhimpur, Mangaldai, Tezpur bad ha Silchar. Katei ka seng, ka la rem noh ha Nowgong ha ka seng Congress, hynrei ka la ioh knieh ia ka Autonomous Council bad ia ka Silchar, kiba ju dei ki ktem jong ka seng Congress.

Ka Congress, ka dang iai bteng ban jop ia ka Kaliabor bad ka Nowgong bad ka Barpeta Lok Sabbha, ha kaba la ju bat baroh shi katta da ka BJP bad ka AIUDF.

U Badruddin Ajmal nongialam ka AIUDF, u dang ioh bat hi ia ka  Dhubri Lok Sabha, katba ka la duh noh ia ka  Karimganj sha ka BJP.  Ka Kokrajhar Lok Sabha seat ha Assam, la jop biang da U Naba Kumar Sarania, uba dei u MP khlem seng.

Nalor ka Tura, kaba la jop da ka NPP, ka Shillong ba la jop da ka Congress, ha Mizoram la jop da ka  Mizo Naional Front (MNF), katba ha Nagaland, la jop da ka  seng NDPP bad ha Sikkim, la jop da ka seng Sikkim Krantikari Morcha (SKM).